Op 12 en 19 Jannewaris wiene wer de audysjes fan BIS, it Berne Iepenlofspul te Easterwierrum foar bern fan groep 7 en 8 fan foarhinne Littenseradiel. Mear as sechtich ôfgryslik entûsjaste bern kamen der op ôf. It stik dat dit jier spile wurdt is Macbeth fan Shakespeare, bewurke troch Peter Sijbenga. De rollen binne ferdield en de earste repetysjes binne al west. Wat hawwe we in soad talinten hjirre yn’e omkriten!! Jim komme dochs wol sjen by de útfierings?

- Meer foto's

Bêste bern út de groepen 7 en 8 fan de skoallen út de Greidhoeke, bêste memmen en heiten of fersoargers! Wy sykje bern dy’t graach tonielspylje, sjonge en/of dûnsje meie, want: de plannen foar it 29ste Berne...

lês fierder